منذ سنة
(مقاله)
اهلا بك عزيزي المتابع في مقالة جديدة هنتكلم فيها عن موضوع مهم وهو موقع بيقدم خدمة نادرة جدا وبشكل مجاني الخدمة انه بيحدد اي مجال وظيفي عاوز تدرسه وبيعرفك انت محتاج ايه علشان تدخل المجال علي يد من خبراء متخصصين في مجالات مختلفة في المجال اللي هتختاره هيدلك علي الطريق
بيحددلك الخطوات اللي بعد كده اللي انت محتاجها عشان توصل للوظيفة اللي حددتها وتبقى أفضل حد فيها من أول الشهادات واللغات والكورسات والعلاقات والتطوع والكتب اللى المفروض تأخذها.
وبعد كده هيعرفك خطوة بخطوة كيفية انك تكون قوى فى المجال اللي تم اختياره بناءا علي رغباتك وهل أنت محتاج تاخد بكالوريوس ولا ماجستير ولا دكتوراة ولا تاخد حتي كورسات أونلاين وايهم افضل ليك ويفيدك أكتر بيكون صريح معك من الالف الي الياء وبيزودك بمعلومات موثوق فيها وصحيحة
وكمان بيعرفك وهيقولك أفضل الأماكن اللى ممكن تدرس فيها المجال الوظيفي الخاص بيك وهل فيه منح دراسية للمجال ده ولا لا وده بيجي دورك علشان تجهز نفسك لو فيه منح دراسية
هتعرف معلومات ومهارات وادوات أنت كنت محتاجها فعلا حتي لو كنت عارف معلومات بسيطة عن المجال الوظيفي هتكتشف انك مكنتش عارف معلومات كتيرة وادوات هتساعدك في دخول المجال اللي اختارته وكمان هيقولك علي شويه احصائيات مهمة عن المجال وقوته وشهرته اوحتي ضعفه والقرار قرارك هتختار تمشي فيه يتختار تبعد عنه .
واهم نقطة هيوضحلك تقريباً الدخل السنوى اللى هتشتغل فيه علي حسب اختيار مجالك والاموال اللي هتحصل عليها وإيه أحسن مناطق ودول بتدفع رواتب عالية ومجزية فى المجال دا سواء في الدول الاوروبية او الدول الخليجية وايهما احسن وافضل لك واسعار العملات اللي هتكون مناسبة ليك وقريبة من بلدك وطبعا الموقع لو قلبت فيه هتلاقى عامتا بيتكلم شوية عن المنح وشوية عن الكورسات الأونلاين او في الاماكن المخصصة وايه أفضل جامعات فى المجالات المختلفة وحاجات كتير الأحسن تدخل وتتصفحه بنفسك
وكمان نسيت اقولك انهم ليهم رؤية لحياتك المهنية بناء علي درسات وتحاليل واحصائيات تم عملها – خصيصا لك لتحقيق أهدافك بشروطك سواء كنت عاوز تدخل مجال جديد أوتتسلق إلى قمة مجالك الحالي وعاوز تتطور من نفسك فهما صمموا أدلة مهنية ونصائح حول التعليم والقوى العاملة لمساعدتك في معالجة خطواتك التالية مش عاوز اطول عليك اسم الموقع هو Become